Кампанія Dell анансавала сёння два новыя 27-цалевых манітора. Мадэлі Dell S2721HGF і Dell S2721DGF арыентаваны перш за ўсё на геймерскую аўдыторыю, і прадаюцца за мяжой па кошце $ 280 за версію 1080p/144Гц і $ 570 – за версію 1440p/165Гц адпаведна.
Dell паспрабавала ахапіць як мага большы спектр гульнявога рынку, спадзеючыся задаволіць патрэбнасці як сур'ёзных геймераў, так і тых, хто шукае якасны гульнявы дысплей з высокай кантраснасцю. Новыя стварэнні Dell прапануюць некаторую ўніверсальнасць: недарагая версія S2721HGF з дазволам FullHD і VA-матрыцай мае выгнутую форму, а час водгуку складае 4 мс (GTG). У даражэйшым маніторы Dell S2721DGF выкарыстоўваецца матрыца IPS, час водгуку якой ― 1 мс.
Абодва манітора маюць вузкія рамкі з усіх бакоў за выключэннем ніжняй грані, якая дастаткова шырокая, каб на ёй змясціўся лагатып Dell. Задняя частка дысплеяў мае даволі незвычайную вентыляцыйную сістэму, якая выглядае як рашэцістыя жалюзі. Па словах Dell, гэтая новая канструкцыя спрыяе рассейванню цяпла. Даражэйшы манітор, S2721DGF, пры гэтым гулліва падсвятляе вентыляцыйныя адтуліны з дапамогай RGB-падсветкі.
Dell не выбірае бок, калі гаворка заходзіць аб камандзе зялёных ці чырвоных (аб відэакартах). Новыя маніторы сумяшчальныя з G-Sync. Але таннейшы S2721HGF сумяшчальны з FreeSync Premium, у той час як даражэйшы S2721DGF можа пахваліцца FreeSync Premium Pro.
Dell S2721DGF абсталяваны наступнымі партамі: 2 × HDMI 2.0; DisplayPort 1.4; USB 3.0 downstream, USB 3.0 upstream; 3,5-міліметровыя выхады для навушнікаў і аўдыёраздым. Dell S2721HGF не так багаты: 2 × HDMI 1.4; DisplayPort 1.2; 3,5-міліметровы выхад для навушнікаў.
Кампанія-вытворца паведамляе, што 165-Гц мадэль S2721DGF з'явіцца ў продажы 28 ліпеня, а 144-Гц мадэль S2721HGF - 21 жніўня.
Крыніца:
Крыніца: 3dnews.ru