Кампанія Valve падвяла вынікі крамы Steam за 2019 год. Распрацоўнікі падзяліліся статыстыкай і распавялі аб планах на будучыню.
У 2019 годзе колькасць штомесячных карыстальнікаў сэрвісу вырасла да 95 мільёнаў чалавек. Гэта на пяць мільёнаў больш, чым у 2018. Таксама распрацоўшчыкі пахваліліся, што ў мінулым годзе ў іх прайшла самая паспяховая распродаж у гісторыі Steam, але не ўдакладнілі яе назву.
Астатнія дасягненні Steam за 2019 год:
- У сэрвісе пачала працаваць сістэма процідзеяння карыстацкім нападам аглядамі. Яна зафіксавала 44 падобныя выпадкі;
- У Майстэрню Steam загрузілі больш за 4,3 мільёна прадуктаў;
- Пасля абнаўлення бібліятэкі колькасць штодзённых аглядаў вырасла ў тры разы - з 17 да 70 тысяч;
- Функцыяй Remote Play Together, прызначанай для гульні з сябрамі ў лакальны мультыплэер праз інтэрнэт (запушчана ў лістападзе 2019 года), скарысталіся 2,3 мільёна гульцоў;
- Колькасць гульняў з падтрымкай Linux павялічылася з 3400 да 6500;
- У 2019 годзе карыстальнікі Steam правялі ў гульнях 20 гадзін (больш за 789 726 718 гадоў!).
Што да планаў на наступны год, то Valve плануе пашырыць падтрымку гульнявых саўндтрэкаў, распрацаваць шырэйшую платформу для аналізу гульнявых дадзеных у Steam і абнавіць SteamVR да версіі 2.0. Таксама распрацоўшчыкі зоймуцца паляпшэннем ужо існуючых функцый і заявілі аб існаванні некалькіх неанансаваных праектаў.
Крыніца: 3dnews.ru