Стала вядома аб тым, што частка праекта "Даступны інтэрнэт", які быў анансаваны прэзідэнтам Расіі Уладзімірам Пуціным у студзені, будзе рэалізавана да 1 красавіка. Гэта азначае, што доступ да некаторых «сацыяльна значных» расейскіх сэрвісаў стане бясплатным з 1 красавіка, а не з 1 ліпеня, як гэта было запланавана першапачаткова. Пра гэта паведамляе РІА Навіны са спасылкай на намесніка кіраўніка адміністрацыі прэзідэнта Сяргея Кірыенку.
«Вы ведаеце, што ёсць рашэнне нашага прэзідэнта аб тым, каб да 1 ліпеня ў краіне з'явіўся даступны інтэрнэт, то бок ключавыя айчынныя сэрвісы даваліся б бясплатна ў расейскім інтэрнэце. Не ўсё, вядома, але прынамсі з хатніх кампутараў і дэсктопаў такая магчымасць будзе не з 1 ліпеня, а ўжо з 1 красавіка», - пракаментаваў дадзенае пытанне спадар Кірыенка.
Аб праекце, у рамках якога расейскія карыстачы павінны атрымаць бясплатны доступ да некаторых айчынных інтэрнэт-сэрвісаў, прэзідэнт Пуцін абвясціў у студзені гэтага года. Варта адзначыць, што бясплатны доступ да партала дзяржпаслуг, а таксама вэб-сайтаў федэральных і рэгіянальных органаў улады павінен быў з'явіцца з 1 сакавіка, але да гэтага тэрміна чыноўнікі не паспелі ўзгадніць законапраект. Расейскія аператары мабільнай сувязі і інтэрнэт-правайдэры ацэньваюць уласныя страты ад ініцыятывы "Даступны інтэрнэт" у 150 млрд рублёў штогод. Яны лічаць, што дзяржава павінна субсідаваць гэты праект або кампенсаваць страты якім-небудзь іншым спосабам.
Крыніца: 3dnews.ru