Праз некалькі гадоў упартай распрацоўкі, студыя Double Fine Productions амаль гатова да рэлізу платформер Psychonauts 2. Ужо ў чэрвені, на выставе Е3 2019 (у рамках мерапрыемства E3 Coliseum), аўтары плануюць паказаць вялікую дэмаверсію праекта.
Пакажуць Psychonauts 2 кіраўнік студыі Цім Шэйфер (Tim Schafer) і акцёр Джэк Блэк (Jack Black), які раней ужо супрацоўнічаў з Double Fine (напрыклад, у Brutal Legend). Паўнавартасны рэліз павінен адбыцца ўжо напрыканцы гэтага года. Распрацоўка вядзецца для ПК (Windows, macOS і Linux), Xbox One і PS4.
Нагадаем, што зараз Psychonauts 2 знаходзіцца на этапе альфа-версіі, на які перайшла яшчэ ў снежні мінулага года. Тады ж стала вядома, што ўвесь запланаваны распрацоўшчыкамі кантэнт ужо дададзены ў гульню. Гэта значыць цяпер, з пункта гледжання матэрыялаў, платформер ужо готаў, а Double Fine займаецца толькі паліроўкай і выпраўленнем памылак. Нам раскажуць гісторыю пра таемную шпіёнскую змову, якую будзе расследаваць галоўны герой Раз.
Калі герой трапляе ў штаб-кватэру арганізацыі псіханаўтаў, ён заўважае шмат дзівацтваў. Фінансаванне традыцыйных псіхічных даследаванняў і міратворчасці было скарочана, а замест гэтага наперад выйшлі сумнеўныя практыкі, уключаючы некрамантыю. Раз неўзабаве выявіць злавесную змову, падвойных агентаў, зладзеяў з мінулага і шмат што яшчэ. Гісторыя сям'і героя і праклён, накладзены на яе, будуць іграць у сюжэце адну з галоўных роляў.
Крыніца: 3dnews.ru