Кампанія Nintendo і студыя Team Ninja абвясцілі аб тым, што Marvel Ultimate Alliance 3: The Black Order выйдзе на Nintendo Switch 19 ліпеня.
У Marvel Ultimate Alliance 3: The Black Order вы зможаце сабраць каманду супергерояў коміксаў Marvel, у якую могуць увайсці Мсціўцы, Вартавыя Галактыкі, Людзі Ікс і іншыя персанажы. Усё гэта толькі дзеля таго, каб прадухіліць знішчэнне галактыкі Танасам і яго бязлітасным Чорным ордэнам.
«У гэты раз героі і зладзеі будуць разам баразніць сусвет Marvel у пошуках Камянёў Бясконцасці, каб перашкодзіць Танасу і Чорнаму ордэну ўчыніць катастрофу сусветнага маштабу. Падчас гэтай небяспечнай місіі гульцы пабываюць у Вежы Мсціўцаў, Асабняку Ікс і іншых культавых месцах. Каб нейтралізаваць дзеянні Танаса, вам давядзецца ўдзельнічаць у самых нечаканых супрацьстаяннях з вядомымі персанажамі», - гаворыцца ў апісанні.
Marvel Ultimate Alliance 3: The Black Order атрымае камеру з-за пляча, а таксама адзіночны і шматкарыстальніцкі рэжым (да чатырох кансоляў). Гуляць можна будзе як анлайн і па лакальнай сетцы, так і на адным экране.
Кошт Marvel Ultimate Alliance 3: The Black Order у рублях пакуль не паведамляецца.
Крыніца: 3dnews.ru