Энтузіяст па імі Патрык Лоан (Patryk Loan) выпусціў незвычайную мадыфікацыю для першай The Witcher. Ён узнавіў цвярдыню ведзьмакоў, Каэр Морхен, на рухавічку Unreal Engine 4, і дадаў падтрымку VR.
Пасля ўсталёўкі фанацкага тварэння карыстачы змогуць прагуляцца па замку, агледзець унутраны двор, сцены і памяшканні. Тут важна адзначыць, што Лоан узяў за аснову цытадэль з першай The Witcher, а не трэцяй, дзе яна адлюстравана значна больш дэталёва. Рэліз мадыфікацыі аўтар суправадзіў кароткім трэйлерам, у якім паказаў паходы па крэпасці ў VR, візуальныя эфекты і птушак, якія лётаюць над Каэр Морхен. У мадыфікацыі адсутнічаюць бітвы і іншыя элементы гульні, бо яна створана выключна для сузірання.
Спампаваць праект можна па на сайце Nexus Mods пасля папярэдняй аўтарызацыі. Для яе запуску спатрэбіцца афіцыйная версія першай The Witcher, а таксама гарнітура віртуальнай рэальнасці. Мод падтрымлівае шлемы ад Oculus, HTC Vive і Windows Mixed Reality. У будучыні Патрык Лоан плануе перанесці ў VR пралог The Witcher і зрабіць яго цалкам іграбельным.
Крыніца: 3dnews.ru