Вакол Facebook разгараецца новы скандал. На гэты раз гаворка аб тым, што сацыяльная сетка запытвала ў некаторых новых карыстачоў інфармацыю аб паролі для іх электроннай пошты. Гэта дазваляла сістэме атрымліваць доступ да спісу кантактаў і загружаць даныя на свае серверы. Як паведамляецца, гэта працавала з траўня 2016 года, то бок амаль цягам трох гадоў. У Facebook заявілі, што несанкцыянаваны збор звестак не быў запланаваным. Адзначым, што за гэты час былі загружаныя дадзеныя 1,5 карыстальнікаў.
«Мы выявілі, што ў некаторых выпадках кантакты электроннай пошты людзей таксама ненаўмысна загружаліся ў Facebook пры стварэнні іх уліковага запісу. Па нашых ацэнках, да 1,5 млн кантактаў электроннай пошты маглі быць загружаны. Гэтыя кантакты нікому не перадаваліся, і мы выдаляем іх», - паведамілі ў прэс-службе сацыяльнай сеткі.
У кампаніі ўдакладнілі, што ўжо звязаліся з карыстальнікамі, з чыёй пошты былі загружаны кантакты. І гэта, трэба сказаць, становіцца дрэннай традыцыяй для кампаніі. Эксперт па бяспецы Electronic Frontier Foundation Бенет Сайферс (Bennett Cyphers) у пачатку красавіка заявіў выданню Business Insider, што такая практыка амаль не адрозніваецца ад фішынгавай атакі.
Пры гэтым карыстачы маглі пазнаць аб загрузцы дадзеных, калі толькі бачылі ўсплывальнае акно з апавяшчэннем аб імпартаванні дадзеных. Пры гэтым у сацыяльнай сетцы заявілі, што не чыталі перапіску карыстальнікаў. Адзначым, што першапачаткова ў кампаніі сцвярджалі, што гэтая функцыя толькі пацвярджае ўліковы запіс, але ў сераду Facebook пацвердзіла выданню Gizmodo, што такім чынам сістэма яшчэ магла прапанаваць сяброў і прапаноўваць мэтавую рэкламу.
Такім чынам, гэта чарговы пракол сістэмы бяспекі Facebook. Раней на публічных серверах Amazon 146 Гбайт дадзеных аб 540 карыстальнікаў сацыяльнай сеткі. А раней неаднаразовыя ўцечкі даных, у тым ліку праз кампанію Cambridge Analytica.
Крыніца: 3dnews.ru