Сацыяльная сетка Facebook развітваецца з сямействам прыкладанняў для Windows Phone і хутка выдаліць іх поўнасцю. Гэта датычыцца Messenger, Instagram і самога прыкладання Facebook. Прадстаўнік кампаніі пацвердзіў гэта выданню Engadget. Як паведамляецца, падтрымка іх спыніцца 30 красавіка. Пасля гэтай даты карыстальнікам давядзецца здавольвацца браўзэрам.
Важна адзначыць, што гаворка ідзе менавіта аб выдаленні праграм з крамы прыкладанняў, хоць пакуль не зразумела, колькі актыўных карыстальнікаў гэта закране. Ці будуць дэактываваны ўжо ўсталяваныя прыкладанні - пакуль не вядома. Што да самой мабільнай АС, то яе падтрымка спыніцца ў снежні, калі кампанія Microsoft перастане выпускаць абнаўленні бяспекі. Зрэшты, улічваючы, што кампанія адмовілася ад развіцця гэтай сістэмы яшчэ ў 2016-м, гэта не выглядае колькі-небудзь дзіўным.
Адзначым, калі не хочацца кожны раз заходзіць у браўзэр, то можна будзе дадаць на працоўны стол смартфона спасылку на свой акаўнт. Або скарыстацца альтэрнатывамі: Winsta ці 6tag для Instagram і SlimSocial для Facebook.
Праўда, нядаўняя ўцечка дадзеных з "УКантакце" павінна, напэўна, астудзіць запал тых, хто гатовы выкарыстоўваць іншыя праграмы. Не ўсе распрацоўшчыкі з'яўляюцца добрасумленнымі, таму існуе рызыка крадзяжу персанальных дадзеных праз альтэрнатыўныя прыкладанні.
Зрэшты, ёсць і прасцейшы, хоць і адначасова даражэйшы спосаб — перайсці на iOS або Android. Нягледзячы на ўсе недахопы гэтых сістэм і бізнес-мадэляў кампаній, яны займаюць зараз практычна ўвесь рынак мабільных АС. А значыць, распрацоўшчыкі будуць выпускаць абнаўлення праграм менавіта для іх, а не для "дыназаўраў".
Крыніца: 3dnews.ru