Еўрапейская Паўднёвая Абсерваторыя (ESO, European Southern Observatory) прадставіла цудоўны здымак нашай галактыкі Млечны шлях.
Выява атрымана ў глыбіні чылійскай пустыні Атакама, непадалёк ад абсерваторыі ESO Параналь. На начным небе ў гэтым адасобленым кутку чылійскай пустыні Атакама бачныя драбнюткія дэталі космасу.
На прадстаўленым малюнку, у прыватнасці, захавана паласа Млечнага шляху. На фота бачныя незлічоныя зоркі, цёмныя валокны пылу і святлівыя аблокі касмічнага газу.
Трэба адзначыць, што на фатаграфіі зафіксаваны вобласці зоркаўтварэння. Высокаэнергетычнае выпраменьванне нованароджаных свяцілаў іянізуе вадарод у газавых аблоках і прымушае іх свяціцца чырвоным святлом.
Дадамо, што на прадстаўленым здымку Млечны шлях літаральна раскінуўся над Вельмі вялікім тэлескопам (VLT) у абсерваторыі ESO. Гэтая сістэма складаецца з чатырох асноўных тэлескопаў і чатырох малых рухомых дапаможных тэлескопаў. Прылады здольныя рэгістраваць аб'екты ў чатыры мільярды разоў слабейшыя за тыя, што бачныя простым вокам.
Крыніца: 3dnews.ru