Арганізацыя GNOME Foundation абвясціла аб урэгуляванні патэнтнай спрэчкі з Rothschild Patent Imaging, LLC у дачыненні да праглядальніка малюнкаў Shotwell.
У заяве гаворыцца аб тым, што Rothschild Patent Imaging, LLC і асабіста Leigh Rothschild больш не маюць прэтэнзій да GNOME Foundation ці любых іншых вольных праектаў. Больш таго, Ротшыльд абавязваецца не прад'яўляць прэтэнзій да любога вольнага праграмнага забеспячэння (ліцэнзаванага пад любой OSI-ліцэнзіяй) па ўсім наяўным у іх патэнтным пуле (каля сотні патэнтаў), а таксама любым новым патэнтам, якія кампанія можа набыць у будучыні.
Выканаўчы дырэктар GNOME Foundation Neil McGovern заявіў, што вельмі рады такому заканчэнню справы. Гэта дазваляе арганізацыі пераключыцца з юрыдычных разбораў непасрэдна да развіцця свабоднага праграмнага забеспячэння, а таксама гарантуе адсутнасць патэнтных прэтэнзій з боку Rothschild Patent Imaging, LLC да свабодных праграм у будучыні.
У сваю чаргу Leigh Rothschild заявіў, што вельмі рады сяброўскаму вырашэнню спрэчкі. Ён заўсёды падтрымліваў свабоднае праграмнае забеспячэнне і гатовы садзейнічаць яго інавацыям і развіццю.
GNOME Foundation дзякуе юрыстам Shearman & Sterling LLP за праведзеную працу па абароне ўсяго свабоднага праграмнага забеспячэння.
Крыніца: linux.org.ru