Кампанія Google афіцыйна аб'явіла аб спыненні падтрымкі ўласнай платформы віртуальнай рэальнасці Daydream. Учора афіцыйная прэзентацыя новых смартфонаў Pixel 4 і Pixel 4 XL, якія пазбаўлены падтрымкі VR-платформы Daydream. З сённяшняга дня Google спыняе продаж гарнітур Daydream View. Больш за тое, кампанія не плануе падтрымліваць платформу ў будучых прыладах на базе Android.
Такі крок ці наўрад здзівіць людзей, якія сочаць за развіццём тэхналогій віртуальнай рэальнасці на мабільных прыладах. Безумоўна, Google Daydream спрыяла павелічэнню папулярнасці VR, даючы карыстачам магчымасць сутыкнуцца з віртуальным светам. Аднак гэтага аказалася недастаткова, паколькі ўся індустрыя, звязаная з віртуальнай рэальнасцю на мабільных прыладах, знаходзіцца не ў лепшым стане. Паступова вектар развіцця зрушыўся ў бок больш якасных і эфектыўных VR-тэхналогій.
«Мы бачылі вялікі патэнцыял у смартфонах з VR, якія даюць магчымасць выкарыстоўваць мабільную прыладу паўсюль, забяспечваючы карыстальнікаў захапляльным досведам. З часам мы заўважылі выразныя абмежаванні, якія не дазваляюць VR-смартфонам стаць жыццяздольным доўгатэрміновым рашэннем. Хоць мы больш не прадаем Daydream View і не падтрымліваем VR-платформу на новых смартфонах Pixel, прыкладанне і крама Daydream застануцца даступныя для існуючых карыстальнікаў», - сказаў прадстаўнік Google.
У наш час Google лічыць, што высокім патэнцыялам валодае дапоўненая рэальнасць. Кампанія працягвае ўкладваць значныя сродкі ў развіццё AR-ачкоў Google Lens, навігацыю ў картах з элементамі дапоўненай рэальнасці і іншыя праекты ў гэтым напрамку.
Крыніца: 3dnews.ru