Гэта, нарэшце, здарылася: пасля працяглага чакання HTC прадставіла новы флагман у асобе U20 5G. Нажаль, прыналежнасць да U-серыі, а таксама згадка 5G у назове можа кагосьці ўвесці ў памылку датычна характарыстык прылады. Насамрэч апарат абсталяваны не флагманскай аднакрыштальнай сістэмай – чыпам Snapdragon 765G. Ды і астатнія параметры да сапраўднага флагмана тут не дацягваюць.
Апарат падтрымлівае падвойны рэжым працы ў сетках 5G. Існуе толькі версія з 8 Гбайт АЗП і 256-Гбайт назапашвальнікам. Тэлефон абсталяваны 6,8-цалевым экранам FHD+ (2400 × 1080) з перфарацыяй пад асабовую 32-Мп камеру з дыяфрагмай f/2. Пад вечкам размясціўся акумулятар на 4850 ма·ч з падтрымкай хуткаснай зарадкі Qiuck Charge 4.0.
Квадракамера на тыльнай панэлі прадстаўлена 48-мегапіксэльным асноўным модулем f/1,8, 8-Мп звышшыракавугольным модулем, а таксама 2-Мп макрааб'ектывам і 2-Мп датчыкам для стварэння эфекту малой глыбіні рэзкасці. Камера падтрымлівае здымку ў партрэтным рэжыме, запіс відэа 4K і многія іншыя звыклыя сёння функцыі. Дарэчы, традыцыйны модуль распазнання адбіткаў пальцаў таксама знаходзіцца ззаду, што ў сучасных флагманах ужо даўно не прынята.
HTC U20 5G характарызуецца памерамі 171,2 78,1 9,4 мм і вагой 215,5 грамаў. Прылада працуе пад кіраваннем аперацыйнай сістэмы Android 10 і прадаецца ў двух варыянтах каляровага выканання: цёмна-зялёным і белым. Пакуль смартфон паступіў у продаж толькі на Тайвані за 18 тайваньскіх даляраў (каля $990). Калі апарат добра сябе пакажа на родным рынку, ён з'явіцца і ў іншых краінах, але характарыстыкі і кошт, нажаль, выклікаюць у гэтым сумневы.
Крыніца: 3dnews.ru