Кампанія Huawei анансавала смартфон сярэдняга ўзроўню P40 Lite, набыць які можна будзе па арыентыровачным кошце 325 долараў ЗША.
Апарат абсталяваны дысплеем IPS памерам 6,4 цалі па дыяганалі. Ужытая панэль фармату Full HD+ з дазволам 2310 × 1080 пікселяў. Экран займае 90,6% пляцы франтальнай паверхні корпуса.
У левым верхнім куце дысплея маецца невялікая адтуліна для франтальнай камеры. У яе аснову пакладзены 16-мегапіксэльны сэнсар.
Асноўная камера выканана ў выглядзе чацвярнога блока. Задзейнічаны датчыкі з 48 млн і 8 млн пікселяў, а таксама пара 2-мегапіксэльных сэнсараў. Зразумела, прадугледжана святлодыёдная ўспышка.
«Сэрца» смартфона – фірмовы працэсар Kirin 810. Чып змяшчае два ядра ARM Cortex-A76 з тактавай частатой да 2,27 Ггц і шэсць ядраў ARM Cortex-A55 з тактавай частатой да 1,88 Ггц. Маецца графічны паскаральнік ARM Mali-G52 MP6 GPU.
За сілкаванне адказвае акумулятарная батарэя ёмістасцю 4200 ма·ч з падтрымкай 40-ватнай падзарадкі SuperCharge. Выкарыстана аперацыйная сістэма Android 10 з фірмовай надбудовай EMUI 10.
Крыніца: 3dnews.ru