Чакалася, што Huawei прадставіць цэлую серыю новых прадуктаў на MWC 2020, але мерапрыемства было адменена з-за ўспышкі каранавіруса. Кітайскі вытворца пакажа новыя прадукты на ўласнай прэзентацыі, якая пройдзе 24 лютага ў анлайн-рэжыме.
Цяпер Huawei падзялілася новай афішай, якая намякае на выпуск новай прылады сямейства MateBook, нягледзячы на тое, што кампанія яшчэ не заяўляла аб планах абнавіць серыю наўтбукаў. Верагодней за ўсё, нам пакажуць абноўлены Huawei MateBook X Pro.
Таксама вытворцам была паказана яшчэ адна афіша, якая дае падставу меркаваць, што падчас прэзентацыі нам пакажуць яшчэ і планшэт. Інфармацыя не пацверджана, але, верагодна, ён будзе абсталяваны працэсарам Kirin 990.
Яшчэ адной прыладай, якую мы, хутчэй за ўсё, убачым на прэзентацыі, стане складаны смартфон Huawei Mate Xs, абсталяваны працэсарам Kirin 990 з падтрымкай 5G.
І гэта, верагодна, яшчэ не ўсе навінкі, якімі нас здзівіць кітайскі брэнд 24 лютага.
Крыніца: 3dnews.ru