Не выключана, што кітайскі тэлекамунікацыйны гігант Huawei у хуткім часе анансуе смартфон з гнуткім экранам і падтрымкай пёравага кіравання.
Інфармацыя аб навінцы, як паведамляе рэсурс LetsGoDigital, апублікаваная на сайце Сусветнай арганізацыі інтэлектуальнай уласнасці (World Intellectual Property Organization, WIPO).
Як можна бачыць на малюнках, апарат атрымае вялікі гнуткі дысплей, які апяразвае корпус. Расчыніўшы прыладу, карыстачы змогуць атрымаць у сваё распараджэнне міні-планшэт.
У спецыяльным патаўшчэнні ў адной з бакавых частак корпуса будзе хавацца электроннае пяро. З яго дапамогай карыстачы змогуць ствараць рукапісныя нататкі, рабіць накіды і інш.
Ілюстрацыі таксама гавораць аб наяўнасці ў смартфона шматмодульнай камеры з вертыкальным размяшчэннем аптычных элементаў.
Аб тэрмінах анонсу навінкі нічога не паведамляецца. Магчыма, Huawei прадставіць прыладу ў пачатку наступнага года.
Крыніца: 3dnews.ru