Пракуратура ЗША абвінаваціла кітайскага прафесара Бо Мао (Bo Mao) у махлярстве ў сувязі з тым, што ён нібыта выкраў тэхналогіі ў каліфарнійскай кампаніі CNEX Labs Inc. для Huawei.
Бо Мао — ад'юнкт-прафесар Сямэнскага ўніверсітэта (КНР), які таксама працуе па кантракце ў Тэхаскім універсітэце з восені мінулага года, быў арыштаваны ў Тэхасе 14 жніўня. Праз шэсць дзён яго вызвалілі пад заклад у памеры $100 000 пасля таго, як ён даў згоду працягнуць удзел у працэсе ў Нью-Ёрку.
28 жніўня на слуханнях у акруговым судзе ЗША ў Брукліне прафесар адмовіўся прызнаць сябе вінаватым па абвінавачанні ў змове з мэтай здзяйснення махлярства з выкарыстаннем электронных сродкаў.
Згодна з іскам, Мао заключыў пагадненне з неназванай каліфарнійскай тэхналагічнай кампаніяй, каб атрымаць яе друкаваную плату для акадэмічных даследаванняў. Насамрэч гэта нібыта было зроблена для крадзяжу тэхналогіі на карысць неўказанага кітайскага кангламерату. Зрэшты, у судовым дакуменце таксама паведамляецца, што справа звязана з кампаніяй Huawei.
CNEX Labs была створана былым супрацоўнікам Huawei Роні Хуанг (Ronnie Huang). Кітайская кампанія раней Хуанга ў крадзяжы тэхналогій, але суд прысяжных яго невінаватым. Разам з тым было адхіленае патрабаванне CNEX аб пакрыцці шкоды паводле яе сустрэчнага пазову да Huawei з абвінавачаннем у крадзяжы камерцыйных сакрэтаў. Цяпер пракуратура вырашыла зноў вярнуцца да гэтай справы, прычым на баку CNEX, не выяўляючы ніякай цікавасці да пазову Huawei супраць CNEX.
Крыніца: 3dnews.ru