Падчас прэзентацыі на QuakeCon 2019 распрацоўшчыкі са студыі id Software прадставілі новую інфармацыю аб Doom Eternal: наведвальнікам паказалі свежы сеткавы рэжым і ўнікальнага дэмана.
Прадэманстраваным рэжымам з'яўляецца асіметрычная сеткавая бітва Battlemode, у якім два гульца кіруюць магутнымі дэманамі (на выбар будзе прапанавана пяць штук), а адзін – Катам Рока (Doom Slayer). Дэманы не толькі моцныя, але таксама могуць заклікаць на дапамогу сваіх драбнейшых субратаў. У працэсе іх можна будзе развіваць, адкрываючы новыя навыкі. Бітвы разгорнуцца на шасці картах, а з часам id Software абяцае дадаваць як новыя лакацыі, так і дадатковых дэманаў.
Новым пякельным спараджэннем з'яўляецца Doomhunter – тулава велізарнага рагатага дэмана на рабатызаваных лятаючай платформе, – узброены магутнай гарматай, ракетамі і парай бензапіл.
Нагадаем, што ў Doom Eternal дэманы ўсё ж такі дабраліся да Зямлі і практычна знішчылі яе. Галоўнаму герою трэба будзе адправіцца ў новае крывавае падарожжа па разнастайных лакацыях, каб вынішчыць монстраў і выратаваць чалавецтва. Шутэр выйдзе 22 лістапада на ПК, Nintendo Switch, PlayStation 4, Xbox One і Google Stadia.
Крыніца: 3dnews.ru