Кампанія E Ink, па паведамленнях сеткавых крыніц, прадэманстравала сваю найноўшую распрацоўку – каляровую электронную паперу Print-Color.
У звычайных манахромных экранах E Ink пікселі ўяўляюць сабой малюсенькія капсулы, запоўненыя часціцамі чорнага і белага колеру. У залежнасці ад пададзенага сігналу тыя ці іншыя часціцы перамяшчаюцца да паверхні дысплея, фармуючы карцінку.
Пікселі электроннай паперы Print-Color могуць адлюстроўваць чорны, белы, чырвоны, зялёны і сіні колеры, а таксама іх камбінацыі. За кошт гэтага фарміруецца каляровы малюнак.
Адзначаецца, што экраны Print-Color выдатна чытаюцца пры яркім сонечным святле і не стамляюць вочы. Як і ў выпадку з манахромнымі панэлямі, энергія затрачваецца толькі ў момант перамалёўкі карцінкі, а таму малюнак можа заставацца на дысплеі нават без падачы харчавання.
E Ink разлічвае, што электронная папера Print-Color знойдзе прымяненне ў сферах адукацыі, бізнесу, рэтэйл і інш. Акрамя таго, яна стане асновай рыдараў прэміум-класа. Завяршыць работы над тэхналогіяй плануецца да другога квартала надыходзячага года.
Крыніца: 3dnews.ru