У 1502 г. султан Баязід II задумаў пабудаваць мост праз заліў Залаты Рог, каб злучыць Стамбул і суседні горад Галата. Сярод водгукаў ад вядучых інжынераў таго часу крайняй арыгінальнасцю вызначыўся праект даволі вядомага нават тады італьянскага мастака і вучонага Леанарда да Вінчы. Традыцыйныя на той час масты ўяўлялі сабой прыкметна выгінастую арку з пралётамі. Для маста над залівам спатрэбілася б мінімум 10 апор, але Леанарда накідаў праект маста даўжынёй 280 метраў без адзінай апоры. Праект італьянскага вучонага не быў прыняты. Мы не можам убачыць гэтага цуду свету. Але ці працоўны гэты праект? На гэта далі адказ інжынеры MIT, якія па накідах Леанарда макет маста ў маштабе 1:500 і выпрабавалі яго на ўвесь спектр магчымых нагрузак.
У рэальнасці мост складаўся б з тысячаў цесаных камянёў. Іншага падыходнага матэрыялу на той час не было (навукоўцы паспрабавалі максімальна блізка наблізіцца да тэхналогій будаўніцтва мастоў у той час і наяўных матэрыялаў). Для вырабу макета маста сучасныя спецыялісты скарысталіся 3D-друкаркай і разбілі мадэль на 126 блокаў зададзенай формы. Камяні паслядоўна ўкладваліся на будаўнічыя лясы. Пасля ўстаноўкі ў вяршыні моста краевугольнага каменя лесу былі прыбраныя. Мост застаўся стаяць і напэўна прастаяў бы стагоддзі. Італьянскі навуковец эпохі Адраджэння ўлічыў усё: ад сейсмічнай нестабільнасці рэгіёна да бакавых нагрузак на мост.
Абраная Леанарда форма пляскатай аркі дазволіла забяспечыць суднаходства па заліве нават ветразным суднам з паднятымі шчогламі, а разбежная да падставы канструкцыя забяспечыла ўстойлівасць да бакавых нагрузак і, як паказалі эксперыменты з маштабнай мадэллю, сейсмічную ўстойлівасць. Рухомыя платформы ў падставе аркі маглі перамяшчацца ў значных межах без абвальвання ўсёй канструкцыі. Гравітацыя і ніякага мацавання з дапамогай раствораў ці крапяжу ― Леанарда ведаў, што прапанаваў.
Крыніца: 3dnews.ru