16 сакавіка часопіс Fortune апублікаваў рэйтынг найлепшых дызайнерскіх рашэнняў сучаснасці. Спіс атрымаўся даволі разнастайным і, у першую чаргу, уключае прылады, якія палепшылі жыццё чалавека або змянілі звыклыя спосабы ўзаемадзеяння чалавека з прадметамі. У першую дзясятку такіх прылад патрапілі цэлых тры вырабы распрацоўкі і вытворчасці Apple.
Першае месца ў рэйтынгу заняў арыгінальны iPhone, выпушчаны ў 2007 годзе. Смартфон кардынальна змяніў свет мабільных прылад, паказаў чалавецтву, наколькі зручным і арганічным можа быць узаемадзеянне чалавека са смартфонам. З iPhone пачалася павальная мода на сэнсарныя прылады. Першы тэлефон ад Apple зрынуў такіх лідэраў мабільнага рынка, як Nokia, Sony-Ericsson і Blackberry.
Другое месца рэйтынгу належыць персанальнаму кампутару Apple Macintosh, які стаў першым агульнадаступным кампутарам з графічным інтэрфейсам. Macintosh, без сумневу, зрабіў індустрыю ПК такой, які мы бачым яе зараз, калі кампутар могуць выкарыстоўваць нават дзеці.
Яшчэ адна прылада Apple закрывае дзясятку лідэраў. Гэта партатыўны прайгравальнік iPod, які апынуўся не проста вельмі зручнай прыладай, якія дазволілі меламанам заўсёды мець пры сабе ўсю музычную калекцыю, але і перавярнуў усю гуказапісвальную індустрыю.
Акрамя прадуктаў Apple у дзясятку патрапілі: пошукавік Google (3 месца), шкловалаконнае "крэсла Эймса" (4 месца), касетны плэер Walkman (5 месца), нож OXO Good Grips (6 месца). 7, 8 і 9 месцы належаць Uber, Netflix і канструктару Lego адпаведна.
З поўным спісам, які складаецца са 100 пазіцый,
Крыніца: 3dnews.ru