Даследаванне, праведзенае аналітыкамі кампаніі Counterpoint Research, кажа аб тым, што ў мінулым годзе самымі прадаванымі смартфонамі ў глабальным маштабе сталі апараты Apple.
Так, лідэрам па аб'ёме продажаў сярод асобных мадэляў смартфонаў у 2018-м апынуўся апарат iPhone X. Услед за ім ідуць яшчэ тры «яблычных» прылады - iPhone 8, iPhone 8 Plus і iPhone 7. Такім чынам, мадэлі Apple займаюць чатыры першыя пазіцыі ў рэйтынгу Counterpoint Research.
На пятым радку ў спісе самых папулярных у свеце смартфонаў апынуўся апарат Xiaomi Redmi 5A. Услед за ім ідзе мадэль Samsung Galaxy S9.
Сёмае і восьмае месцы таксама дасталіся Apple – на іх размясціліся адпаведна смартфоны iPhone XS Max і iPhone XR.
На дзявятай пазіцыі знаходзіцца Samsung Galaxy S9 Plus, а замыкае дзясятку мадэль Samsung Galaxy J6.
Паводле ацэнак Counterpoint Research, у першай чвэрці 2019 года ў свеце было рэалізавана каля 345,0 смартфонаў. Гэта прыкладна на 5% менш за леташні вынік, калі адгрузкі ацэньваліся ў 361,6 млн штук.
Крыніца: 3dnews.ru