Джанаюгом — штодзённая газета, якая выдаецца ў штаце Керала (Індыя) на малаяламскай мове і мае каля 100,000 падпісчыкаў.
Аж да нядаўняга часу яны выкарыстоўвалі прапрыетарны Adobe PageMaker, але ўзрост ПА (апошні рэліз быў аж у 2001 годзе), а таксама адсутнасць падтрымкі юнікод падштурхнулі кіраўніцтва да пошуку альтэрнатыў.
Высветліўшы, што стандартны для індустрыі Adobe InDesign замест аднаразовай ліцэнзіі патрабуе месячную падпіску, якую газета не магла сабе дазволіць, кіраўніцтва звярнулася да мясцовага Інстытута друкарні. Там ім параілі адкрыты Scribus, а таксама прыцягнулі да праекту некалькі чалавек з Індыйскай супольнасці ВПЗ.
У выніку быў створаны ўласны дыстрыбутыў Janayugom GNU/Linux на базе Kubuntu, улучальны ў сябе такія альтэрнатывы прапрыетарнаму ПА, як Scribus, Gimp, Inkscape, Krita, Shotwell.
Распрацоўваюцца тры шрыфты (адзін ужо завершаны) з падтрымкай поўнага малаяламскага алфавіту. Створаны рэдактар Janayugom Edit, які дазваляе адчыняць існыя файлы PageMaker, каб цалкам пазбегнуць выкарыстанні Windows.
Больш за 100 супрацоўнікаў газеты прайшлі пяцідзённы трэнінг: першы дзень на знаёмства са стэкам і працэсам працы, другі дзень - праца з GIMP і Inkscape, астатнія тры дні - Scribus. Таксама асобныя трэнінгі прайшлі для фатографаў і сістэмных адміністратараў.
Пачынаючы з 2 кастрычніка (150 гадоў з дня нараджэння Махатмы Гандзі) усе выданні газеты поўнасцю выкарыстоўваюць свабодны стэк для падрыхтоўкі і вёрсткі матэрыялу. Пасля месячнай паспяховай працы аб дасягненні публічна заявіў кіраўнік урада штата Керала.
Кіруючыся прыкладам Janayugom, акадэмія журналістыкі арганізавала двухдзённы семінар з прадстаўнікамі мясцовых газет для разгляду магчымасцяў і пераваг выкарыстання вольнага ПЗ.
Крыніца: https://poddery.com/posts/4691002
Крыніца: linux.org.ru