Кітайская кампанія Vivo афіцыйна прадставіла смартфон сярэдняга ўзроўню S1, які паступіць у продаж 1 красавіка па арыентыровачным кошце 340 долараў ЗША.
Апарат абсталяваны безрамачным дысплеем з дыяганаллю 6,53 цалі. Ужытая панэль фармату Full HD+ (2340 × 1080 кропак), якая не мае ні выраза, ні адтуліны. Экран займае 90,95% пляцы франтальнай паверхні корпуса.
Сэлф-камера выканана ў выглядзе высоўнага модуля-перыскопа: задзейнічаны 24,8-мегапіксэльны сэнсар. Асноўная патройная камера аб'ядноўвае модулі з 12 млн (f/1,7), 8 млн (f/2,2, шырокавугольная оптыка) і 5 млн (f/2,4) пікселяў. Ззаду ўсталяваны сканер адбіткаў пальцаў.
Вылічальная нагрузка лягла на плечы васьміядзернага працэсара MediaTek Helio P70 з частатой да 2,1 Ггц. Чып функцыянуе ў тандэме з 6 Гбайт аператыўнай памяці. Флэш-назапашвальнік месціць 128 Гбайт інфармацыі.
Абсталяванне ўключае модулі бесправадной сувязі Wi-Fi 802.11a/b/g/n/ac і Bluetooth, прымач GPS, порт Micro-USB, 3,5-міліметровае гняздо для навушнікаў і слот microSD. Сілкаванне забяспечвае даволі магутная акумулятарная батарэя ёмістасцю 3940 ма·ч.
На смартфон ўсталявана аперацыйная сістэма FunTouch OS 9 на аснове Android 9 Pie. Пакупнікі змогуць выбіраць паміж каляровымі выкананнямі Lake Blue (сіні) і Pink (ружовы).
Крыніца: 3dnews.ru