Па паведамленнях сеткавых крыніц, улады Кітая адменяць абмежаванні на перамяшчэнні, а таксама ўезд і выезд з правінцыі Хубэй 25 сакавіка. У адміністрацыйным цэнтры правінцыі Ухане абмежаванні працягнуцца да 8 красавіка. Пра гэта паведамляе інфармацыйнае агенцтва ТАСС са спасылкай на заяву, апублікаваную Дзяржаўным камітэтам па справах аховы здароўя правінцыі Хубэй.
У заяве ведамства гаворыцца аб тым, што рашэнне аб зняцці каранціну было прынята на фоне паляпшэння эпідэміялагічнай абстаноўкі ў правінцыі. «З 00:00 гадзін (19:00 па МСК) 25 сакавіка, за выключэннем раёна горада Ухань, у правінцыі Хубэй будуць зняты абмежаванні на дарогах і адноўлены рух транспарта на ўезд і выезд. Людзі, якія пакідаюць Хубэй, змогуць рухацца на аснове кода здароўя», — гаворыцца ў заяве Дзяржаўнага камітэта па справах аховы здароўя. Код здароўя або «цзяньканьма» уяўляе сабой праграму, у рамках якой праводзіцца ацэнка рызык схільнасці людзей да інфіцыравання на аснове іх перамяшчэнняў.
Што да Уханя, адміністрацыйнага цэнтра правінцыі Хубей, то на тэрыторыі горада абмежаванні працягнуцца да 00:00 гадзін 8 красавіка. Пасля гэтага праезд па транзітных дарогах будзе адкрыты, транспартныя зносіны адновяцца, а людзі змогуць уязджаць у горад і выязджаць з яго.
Нагадаем, каранцін ва Ухане і правінцыі Хубей быў выкліканы выбліскам каранавіруса і доўжыўся з 23 студзеня.
Крыніца: 3dnews.ru