Першыя старты цяжкай ракеты-носьбіта «Ангара» у рамках камерцыйных кантрактаў будуць арганізаваны не раней за сярэдзіну наступнага дзесяцігоддзя. Пра гэта, як паведамляе ТАСС, заявілі ў кампаніі International Launch Services (ILS).
Нагадаем, што ILS мае эксклюзіўнае права на маркетынг і камерцыйную эксплуатацыю расійскай ракеты-носьбіта цяжкага класа "Пратон" і перспектыўнага касмічнага ракетнага комплексу "Ангара". Кампанія ILS зарэгістраваная ў ЗША, а кантрольны пакет акцый належыць расійскаму Дзяржаўнаму касмічнаму навукова-вытворчаму цэнтру імя М.В.Хрунічава.
Як адзначыў прэзідэнт ILS Кірк Пайшэр, камерцыйныя касмічныя запускі новага расійскага носьбіта "Ангара" цяжкага класа пачнуцца не раней за 2025 год. Пры гэтым кіраўнік ILS пацвердзіў, што ў даляглядзе кампанія мае намер арганізаваць працу з гэтай ракетай.
«Мы не чакаем камерцыйных запускаў «Ангары» да прыкладна 2025 года. Затым, у рэшце рэшт, адбудзецца пераходны перыяд, і ён завершыцца, верагодна, у 2026-2027 годзе», - паведаміў кіраўнік ILS.
Першы пуск носьбіта "Ангара-А5" цяжкага класа адбыўся яшчэ ў снежні 2014 года. Наступны старт плануецца ажыццявіць у снежні бягучага года.
Крыніца: 3dnews.ru