На канферэнцыі распрацоўшчыкаў гульняў GDC 2019 падчас прэзентацыі State of Unreal каманда Quixel, вядомая вопытам у галіне фотаграметрыі, прадставіла свой кароткаметражны фільм Rebirth, у якім паказала цудоўны ўзровень фотарэалізму на рухавічку Unreal Engine 4.21. Трэба сказаць, што дэманстрацыя падрыхтавана ўсяго трыма мастакамі і выкарыстоўвае бібліятэку рэсурсаў Megascans 2D і 3D, створаных на аснове фізічных аб'ектаў.
Каб падрыхтавацца да праекту, спецыялісты Quixel правялі месяц ва ўмовах ледзянога дажджу і навальніц, скануючы населеныя пункты ў Ісландыі, і вярнуліся з больш за тысячай сканаў. Яны ажыццявілі захоп шырокага спектру рэгіёнаў і натуральных асяроддзяў, якія затым былі скарыстаны пры стварэнні кароткаметражкі.
Вынікам стала кінематаграфічная дэманстрацыя Rebirth, якая выконваецца ў рэальным часе, працягласцю менш за дзве хвіліны, дзеянне якой адбываецца ў футурыстычным іншапланетным асяроддзі. Бібліятэка Megascans прадаставіла стандартызаваныя матэрыялы, што спрасціла вытворчасць, пазбавіўшы неабходнасці ствараць рэсурсы з нуля. А высокая дакладнасць сканавання, заснаванага на фізічных дадзеных, дазволіла дабіцца фотарэалістычных вынікаў.
Quixel уключае сябе мастакоў з гульнявой індустрыі, спецыялістаў па візуальных эфектах і архітэктурнай візуалізацыі. Перад камандай стаяла задача даказаць, што рухавічок Unreal Engine дазваляе некалькім галінам аб'яднацца і выкарыстоўваць канвеер у рэальным часе. Каб праект быў увасоблены, да працы прыцягнулі такіх партнёраў, як Beauty & the Bit, SideFX і Ember Lab.
Абапіраючыся на Unreal Engine 4.21 у аснове канвеера, мастакі Quixel змаглі ў рэальным часе мяняць сцэну, не звяртаючыся да папярэдняй візуалізацыі або постапрацоўцы. Каманда таксама стварыла фізічную камеру, якая была здольная захопліваць рухі, што ўзмацніла адчуванне рэалізму ў віртуальнай рэальнасці. Уся постапрацоўка і колеракарэкцыя былі выкананы непасрэдна ўсярэдзіне Unreal.
Крыніца: 3dnews.ru