Даследаванне, праведзенае кампаніяй ESET, сведчыць аб тым, што пераважная большасць карыстальнікаў Сусветнай сеткі працягваюць аддаваць перавагу пірацкім матэрыялам.
Як паказала апытанне, 75% карыстальнікаў адмаўляюцца ад легальнага кантэнту з-за яго высокага кошту. Іншым недахопам легальных сэрвісаў названы іх няпоўны асартымент - на гэта ўказаў кожны трэці (34%) рэспандэнт. Прыкладна 16% апытаных паведамілі аб нязручнай сістэме аплаты. Нарэшце, чвэрць інтэрнэт-карыстальнікаў адмаўляюцца плаціць за ліцэнзію па ідэйных меркаваннях.
Акрамя таго, арганізатары апытання высветлілі, які пірацкі кантэнт часцей за ўсё спажываюць карыстачы Інтэрнэту (рэспандэнты маглі выбіраць некалькі варыянтаў). Аказалася, што 52% апытаных спампоўваюць «узламаныя» гульні. Каля 43% глядзяць неліцэнзійныя фільмы і серыялы, а 34% слухаюць музыку з дапамогай нелегальных сэрвісаў.
Яшчэ каля 19% рэспандэнтаў прызналіся, што ўстанаўліваюць пірацкія праграмы. Каля 14% карыстальнікаў спампоўваюць пірацкія кнігі.
І толькі кожны дзесяты - 9% - карыстальнік Інтэрнэту сцвярджае, што заўсёды плаціць за ліцэнзію.
Крыніца: 3dnews.ru