Як і іншыя вытворцы наўтбукаў, кампанія Lenovo сёння прадставіла новыя гульнявыя мадэлі на свежых працэсарах Intel Comet Lake-H і відэакартах NVIDIA GeForce RTX Super. Кітайскі вытворца анансаваў новыя мадэлі Legion 7i і Legion 5i, якія дашлі на змену Legion Y740 і Y540 адпаведна.
Кампанія Lenovo не ўдакладняе, якія менавіта працэсары будуць выкарыстоўвацца ў новых гульнявых наўтбуках Legion. У ранейшых мадэлях выкарыстоўваліся чыпы Core i5 і Core i7, так што можна меркаваць, што ў навінках будуць задзейнічаны новыя чыпы гэтых серый. За апрацоўку графікі ў 15,6-цалевым Legion 5i будуць адказваць відэакарты NVIDIA аж да GeForce RTX 2060, а ў 17,3-цалевым Legion 7i – аж да GeForce RTX 2080 Super Max-Q.
Lenovo асобна адзначае падтрымку новай тэхналогіі NVIDIA Advanced Optimus, якая павінна павялічыць час працы наўтбукаў ад батарэі. Дадзеная тэхналогія павінна аўтаматычна распазнаваць задачы, у якіх неабходна задзейнічаць дыскрэтную графіку, і ў якіх можна абысціся сіламі ўбудаванай графікі. У чым заключаюцца адрозненні новай тэхналогіі ад звычайнай NVIDIA Optimus, пакуль што не ўдакладняецца.
Нажаль, кампанія Lenovo не прыводзіць іншыя характарыстыкі наўтбукаў Legion 7i і 5i. Па ўсёй бачнасці, яны прапануюць мноства розных опцый з розным абсталяваннем і коштам. Наўтбук Lenovo Legion 5i будзе прадавацца па кошце ад $999, тады як Legion 7i абыйдзецца прынамсі ў $1199.
Крыніца: 3dnews.ru