Фірменны магазін лічбавага кантэнту кампаніі Google набыў новы знешні выгляд. Падобна шматлікім апошнім версіям дызайну прадуктаў Google, новае аблічча Play Store мае вялікую колькасць белага колеру ў спалучэнні з шрыфтам Google Sans. У якасці прыкладу падобных змен можна ўспомніць новы дызайн паштовага сэрвісу Gmail, які ў пачатку года гэтак жа пазбавіўся некаторых яркіх элементаў у карысць больш стрыманых і светлых тонаў.
У новым дызайне Play Store гульні, прыкладанні, кнігі, а таксама фільмы і тэлеперадачы размеркаваны па адпаведных укладках. Пры ўзаемадзеянні з крамай з дапамогай смартфона ўкладкі адлюстроўваюцца ў ніжняй частцы экрана, а ў выпадку з планшэтнымі кампутарамі – на бакавой панэлі. Акрамя таго, дызайн паказу абразкоў стаў больш плыўным, прастакутнікі набылі закругленыя краю, што надае ўсёй краме больш цэласны знешні выгляд.
Абноўлены Play Store будзе рэкамендаваць прыкладанні ў залежнасці ад карыстацкіх пераваг у раздзеле «Рэкамендуем для вас». Рэкламныя рэкамендацыі будуць адлюстроўвацца ў раздзеле "Спецыяльна для вас".
Паводле афіцыйных дадзеных Google, новы дызайн крамы лічбавага кантэнту Play Store даступны ўжо зараз усім уладальнікам прылад на базе Android. Варта адзначыць, што абноўлены дызайн Play Store не мае начнога рэжыму. Аднак не выключана, што ў будучыні цёмная тэма будзе інтэграваная, паколькі ў апошні час многія сэрвісы Google атрымалі начны рэжым.
Крыніца: 3dnews.ru