Mail.ru Group запускае карпаратыўны месэнджэр з падвышаным узроўнем бяспекі. Новы сэрвіс абароніць карыстальнікаў ад магчымай уцечкі дадзеных, а таксама аптымізуе працэсы дзелавой камунікацыі.
Пры знешняй камунікацыі ўсе карыстачы з кампаній-кліентаў праходзяць верыфікацыю. Да унутраных дадзеных кампаніі маюць доступ толькі тыя супрацоўнікі, якім гэта сапраўды трэба па працы. Пасля звальнення сэрвіс аўтаматычна закрывае былым супрацоўнікам доступ да гісторыі перапіскі і дакументаў.
Буйныя кампаніі з падвышанымі патрабаваннямі бяспекі могуць выкарыстоўваць адмысловую (on-premise) версію месэнджэра: тады яны змогуць разгарнуць інфраструктуру сэрвісу на сваіх уласных серверах.
Для простых смяротных версіі падзяляюцца на бясплатную і пашыраную.
У бясплатную версію ўключаны стандартныя функцыі: аўдыёзванкі і відэасувязь, групавыя чаты і каналы, абмен файламі і гэтак далей. Пашыраная версія прадаецца з дадатковай тэхнічнай падтрымкай і функцыямі кантролю чатаў, а таксама шыфраваннем дадзеных. Яе кошт залежыць ад колькасці карыстальнікаў: калі ў камандзе менш за 30 чалавек, то 990 рублёў у месяц, калі ад 100 да 250 - 2990 рублёў.
Mail.ru Group прапануе вэб-версію сэрвісу, а таксама прыкладанні для Windows, Android, iOS, macOS і Linux. З сённяшняга дня (12 верасня) мэсанджар можна спампаваць у крамах Apple і Google.
Спецыялісты кампаніі ацэньваюць патэнцыйную гадавую выручку ад месэнджэра ў "сотні мільёнаў рублёў". Mail.ru Group ужо вядзе перамовы аб укараненні новага прадукта з 10 кліентамі.
Крыніца: 3dnews.ru