Кампанія Netflix раскрыла акцёра, які сыграе Весеміра ў другім сезоне «Ведзьмака». На жаль, ім аказаўся не Марк Хэміл (Mark Hamill). Настаўнікам ведзьмакоў у Школе ваўка стане дацкі акцёр Кім Бодніа (Kim Bodnia).
Найбольшую вядомасць Кім Бодніа атрымаў за ролю ў серыялах «Забойства» (2007), «Мост» (2011) і «Забіваючы Еву» (2018). Ён таксама зняўся ў шматлікіх дацкіх карцінах. У серыяле «Ведзьмак» паводле фэнтэзійнага цыклу Анджэя Сапкоўскага акцёр згуляе старога і дасведчанага ведзьмака Весеміра, які з'яўляецца настаўнікам галоўнага героя, Геральта з Рывіі. Герой па-добраму ставіцца да сваіх выхаванцаў, спакойны і мудры, а таксама вельмі моцны.
Невядома, па якой прычыне Netflix не змагла дамовіцца з Хэмілам (вядомы перш за ўсё як Люк Скайуокер у "Зорных войнах" і голас Джокера ў многіх праектах) аб ролі. Ёсць шанец, што кампанія прапанавала яму нешта цікавейшае. Другі сезон "Ведзьмака" выйдзе ў 2021 годзе.
Крыніца: 3dnews.ru