Кампанія Microsoft анансавала публічную папярэднюю версію антывіруса Microsoft Defender ATP на Linux для прадпрыемстваў. Такім чынам, хутка ад пагроз будуць "закрыты" усе дэсктопныя сістэмы, уключаючы Windows і macOS, а да канца года да іх далучацца і мабільныя – iOS і Android.
Распрацоўнікі заявілі, што карыстачы даўно прасілі версію пад Linux. Цяпер жа гэта стала магчымым. Хоць пакуль не ўдакладняецца, дзе можна яе спампаваць і якім чынам устанавіць. Таксама незразумела, ці будзе яна выпушчана для звычайных карыстальнікаў. На наступным тыдні на канферэнцыі RSA кампанія плануе падрабязней распавесці аб антывірусе для мабільных платформаў. Магчыма тамака жа распавядуць больш і аб Linux-версіі.
У блогу кампаніі заявілі, што Microsoft плануе змяніць сітуацыю на рынку кіберабароны. Для гэтага плануецца перайсці ад мадэлі выяўлення і рэагавання на аснове разрозненых рашэнняў бяспекі да праактыўнай абароны. Сістэма Microsoft Defender ATP падае ўбудаваныя інтэлектуальныя магчымасці, аўтаматызацыю і інтэграцыю для каардынацыі абароны, выяўленні, рэагаванні і прадухіленні заражэння. Ва ўсякім разе, усё гэта абяцаюць рэалізаваць у Рэдмандзе.
Такім чынам, кампанія распаўсюджвае свае прадукты на ўсе асноўныя платформы. У бліжэйшыя месяцы таксама чакаецца з'яўленне Linux-версіі браўзэра Microsoft Edge на базе вольнага вэб-аглядальніка Chromium на рухавічку Blink.
Крыніца: 3dnews.ru