Стала вядома аб тым, што, як і іншыя тэхналагічныя кампаніі, якія маюць уласных галасавых памочнікаў, Microsoft плаціла падрадным арганізацыям за транскрыбаванне галасавых запісаў карыстальнікаў Cortana і Skype. Apple, Google і Facebook часова прыпынілі гэтую практыку, а Amazon дазваляе карыстальнікам забараніць расшыфроўку ўласных галасавых запісаў.
Нягледзячы на верагодныя праблемы з канфідэнцыяльнасцю, Microsoft мае намер працягнуць расшыфроўку карыстацкіх галасавых паведамленняў. Кампанія змяніла сваю палітыку прыватнасці, даючы зразумець, што супрацоўнікі Microsoft праслухоўваюць размовы карыстальнікаў і галасавыя каманды для павышэння якасці паслуг. "Мы зразумелі, грунтуючыся на нядаўна ўзнятых пытаннях, што можам лепш справіцца з задачай, паказаўшы прама, што супрацоўнікі кампаніі часам праслухоўваюць гэты кантэнт", – сказаў прадстаўнік Microsoft у нядаўнім інтэрв'ю, адказваючы на пытанне датычна змен у палітыцы прыватнасці кампаніі.
У абноўленым апісанні палітыкі прыватнасці Microsoft гаворыцца, што апрацоўка карыстацкіх дадзеных можа праходзіць у аўтаматычным і ручным рэжымах. Яшчэ там сказана, што кампанія выкарыстоўвае галасавыя дадзеныя і карыстацкія аўдыёзапісы для паляпшэння распазнання прамовы, перакладу, разуменні намераў і шмат чаго іншага ў праграмных прадуктах і паслугах Microsoft.
Нягледзячы на тое, што Microsoft дазваляе карыстачам выдаляць захаваныя аўдыёзапісы праз панэль маніторынгу прыватнасці, з самага пачатку палітыка кампаніі магла б быць больш празрыстай у дачыненні да таго, з якой мэтай выкарыстоўваюцца гэтыя дадзеныя. Вядома аб тым, што Apple плануе падаць карыстачам магчымасць адмовы ад запісу галасавых паведамленняў, якія фіксуюцца памагатым Siri. Ці рушыць услед гэтаму прыкладу Microsoft, пакуль не вядома.
Крыніца: 3dnews.ru