Стала вядома аб планах Microsoft спрасціць працэс адначасовай працы з некалькімі дакументамі Word і PowerPoint на прыладах з iPadOS. У цяперашні час такая магчымасць стала даступная ўдзельнікам інсайдэрскай праграмы софтвернага гіганта.
«Скарыстайцеся перавагамі экрана на вашым iPad з новай шматваконнай падтрымкай у Word і PowerPoint. Адкрывайце і працуйце над двума дакументамі або прэзентацыямі адначасова», – гаворыцца ў паведамленні Microsoft.
Удзельнікі інсайдэрскай праграмы могуць рознымі спосабамі пачаць выкарыстанне шматаконнага рэжыму. Для гэтага дастаткова закрануць і перацягнуць да краю працоўнага экрана патрэбны файл са спісу "Апошнія", "Агульны доступ" або "Адкрыць". Акрамя таго, пасля запуску Word або PowerPoint можна правесці пальцам ад ніжняй часткі экрана ўверх, каб выклікаць дадатковую панэль, якая дазваляе перамясціць значок адчыненага прыкладання на край экрана і абраць файл, які варта запусціць. Такім чынам, карыстачы офіснага пакета Microsoft на iPad змогуць адначасова ўзаемадзейнічаць з некалькімі файламі.
Нажаль, Microsoft не абвясціла, калі дадзеная функцыя выйдзе са стадыі бэта-тэставанні і стане даступная шырокаму кругу карыстачоў. Тым, хто захоча скарыстацца шматваконным рэжымам у Office давядзецца пераканацца, што яны выкарыстоўваюць прылады пад кіраваннем iPadOS 13, паколькі магчымасць адкрыцця некалькіх вокнаў аднаго і таго ж прыкладання была разгорнута ў гэтай версіі мабільнай платформы. Не выключана, што ў будучыні Microsoft дадасць падтрымку шматваконнага рэжыму і для іншых прыкладанняў, якія ўваходзяць у склад офіснага пакета.
Крыніца: 3dnews.ru