Кампанія Microsoft без асаблівай шуміхі паведаміла аб завяршэнні працы сваёй кнігарні. Такім чынам, карпарацыя зрабіла яшчэ адзін крок да адмовы ад продажу традыцыйных спажывецкіх тавараў і паслуг. Адзіным выключэннем з'яўляецца кансоль Xbox.
Адпаведнае апавяшчэнне размешчана ў Microsoft Store, а ўкладка "Кнігі" ужо выдалена. А ў раздзеле пытанняў і адказаў кампанія расказала, што будзе з арандаванымі і бясплатнымі кнігамі. Паведамляецца, што канчаткова сервіс спыніць працу ў ліпені гэтага года. Кнігі, узятыя ў арэнду, а таксама бясплатныя выданні знікнуць з бібліятэк карыстальнікаў у той жа час.
Таксама ў кампаніі растлумачылі прычыны адмовы. Як высветлілася, у Рэдмандзе прасоўвалі электронныя выданні праз сваю краму, не выкарыстоўваючы ніякія рэкламныя метады і маркетынг. А самі кнігі можна было чытаць толькі праз браўзэр Microsoft Edge, дзель якога на рынку складае 4,4%. Загрузіць іх на ПК было нельга.
Акрамя таго, у Microsoft ёсць вельмі сур'ёзны канкурэнт на гэтым рынку – Amazon. Там ёсць вялікая колькасць выданняў, якія можна спампаваць і прачытаць у поўнафункцыянальным дадатку Amazon Kindle. І гэта не кажучы ўжо пра безліч фірмовых электронных чыталак.
Гэта ўжо не першы выпадак, калі Microsoft ігнаруе спажывецкі рынак у карысць карпаратыўнага. У 2017-м кампанія закрыла музычны сэрвіс Groove. Таксама нядаўна карпарацыя адмовілася ад падтрымкі мабільнай версіі Windows 10. Застаецца спадзявацца, што фільмы, серыялы і гульні не напаткае той жа лёс. Тым больш, што раней Філ Спенсер (Phil Spencer) абяцаў змяніць краму прыкладанняў Microsoft спецыяльна для геймераў.
Крыніца: 3dnews.ru