Расійская акадэмія навук (РАН), па паведамленні сеткавага выдання "РІА Навіны", прыняла рашэнне завяршыць праграму касмічнай абсерваторыі "Спектр-Р".
Нагадаем, што ў пачатку гэтага года апарат "Спектр-Р" перастаў выходзіць на сувязь з Цэнтрам кіравання палётамі. Спробы ўхіліць праблему, нажаль, выніку не прынеслі.
"Навуковая місія праекта завершана", – заявіў прэзідэнт РАН Аляксандр Сяргееў. Пры гэтым кіраўніцтву Акадэміі навук прапанавана разгледзець магчымасць узнагароджання ўдзельнікаў праекта.
Абсерваторыя "Спектр-Р" сумесна з зямнымі радыётэлескопамі ўтварала радыёінтэрферометр са звышвялікай базай - аснову міжнароднага праекта "Радыёастрон". Апарат быў запушчаны яшчэ ў 2011 годзе.
Дзякуючы тэлескопу "Спектр-Р" расійскія навукоўцы змаглі атрымаць унікальныя вынікі. Сабраныя дадзеныя дапамогуць у вывучэнні галактык і квазараў у радыёдыяпазоне, чорных дзірак і нейтронных зорак, структуры міжзоркавай плазмы і інш.
Трэба падкрэсліць, што касмічная абсерваторыя "Спектр-Р" змагла прапрацаваць у 2,5 разы даўжэй запланаванага тэрміну. На жаль, вярнуць да жыцця апарат пасля збою спецыялістам не ўдалося.
Крыніца: 3dnews.ru