Навуковая праграма касмічнага тэлескопа "Спітцэр" (Spitzer) набліжаецца да завяршэння, аб чым паведамляецца на сайце Каліфарнійскага тэхналагічнага інстытута.
"Спітцэр" быў запушчаны яшчэ ў 2003 годзе. Апарат прызначаны для назірання космасу ў інфрачырвоным дыяпазоне. Спецыялісты прызнаюцца, што ніколі не разлічвалі на такі доўгі тэрмін службы тэлескопа.
У 2009 годзе на апараце скончыўся запас холадагенту - гэта азначала завяршэнне асноўнай місіі. Аднак нават пасля гэтага тэлескоп працягнуў збіраць навуковыя дадзеныя, а ў 2016 годзе стартавала місія Beyond ("За межамі"), у рамках якой у ліку іншага даследчыкі займаліся пошукам новых экзапланет.
І вось зараз паведамляецца, што 30 студзеня 2020 года "Спітцэр" перадасць на Зямлю апошнюю порцыю інфармацыі. Пасля гэтага будзе аддадзена каманда на выключэнне апарата.
Каліфарнійскі тэхналагічны інстытут таксама нагадвае, што працягваецца падрыхтоўка да запуску ўнікальнай касмічнай абсерваторыі "Джэймс Уэб" (James Webb Space Telescope). Новаму апарату трэба стаць самым магутным арбітальным тэлескопам у гісторыі. У адпаведнасці з планамі запуск гэтай абсерваторыі адбудзецца ў сакавіку 2021 года.
Крыніца: 3dnews.ru