На сэрвісе GitHub магчымасць фінансаваць адкрытыя праекты. Калі ў карыстальніка няма магчымасці прыняць удзел у распрацоўцы, то ён можа прафінансаваць упадабаны праект. Аналагічная сістэма працуе на Patreon.
Сістэма дазваляе штомесяц пералічваць фіксаваныя сумы тым распрацоўшчыкам, якія зарэгістраваліся ў якасці ўдзельнікаў. Для фундатараў жа абяцаны прывілеі накшталт пазачарговага ўхілення памылак. Пры гэтым GitHub не будзе браць працэнт за пасярэдніцтва, а таксама на працягу першага года стане пакрываць выдаткі на транзакцыі. Хаця ў будучыні не выключана, што адлічэнні за апрацоўку плацяжоў усё ж увядуць. Фінансавым бокам будзе займацца фонд GitHub Sponsors Matching Fund.
Акрамя новай схемы манетызацыі, у GitHub з'явіўся сэрвіс для гарантавання бяспекі праектаў. Гэтая сістэма пабудавана на напрацоўках кампаніі Dependabot і аўтаматычна правярае код у рэпазітарах на ўразлівасці. У выпадку выяўлення пралома сістэма паведаміць аб гэтым распрацоўнікам і аўтаматычна створыць pull-запыты для выпраўлення.
Нарэшце, з'явіўся сканер токенаў і ключоў доступу, які правярае дадзеныя падчас коміта. Калі нейкі ключ вызначаецца як скампраметаваны, правайдэрам сэрвісаў накіроўваецца запыт для пацверджання ўцечкі. Сярод даступных сэрвісаў адзначаюцца Alibaba Cloud, Amazon Web Services (AWS), Azure, GitHub, Google Cloud, Mailgun, Slack, Stripe і Twilio.
Адзначаецца, што некаторыя карыстачы ўжо выказалі незадаволенасць тым фактам, што GitHub пачаў падтрымліваць сістэму донатаў. Некаторыя прама заяўляюць, што такім чынам Microsoft, якой належыць GitHub, спрабуе зарабіць і на вольным ПЗ.
Крыніца: 3dnews.ru