Кампанія Mozilla спрасціла жыццё для карыстачоў iPad. Зараз на планшэце даступны новы браўзэр Firefox, які спецыяльна адаптаваны менавіта пад гэту прыладу. У прыватнасці, ён падтрымлівае убудаваную ў iOS функцыянальнасць падзеленага экрана і спалучэнні клавіш. Аднак новы браўзэр рэалізуе таксама зручны інтэрфейс, характэрны для кіравання пальцамі.
Да прыкладу, зараз Firefox для iPad падтрымлівае адлюстраванне ўкладак у выглядзе зручных для ўспрымання плітак, а рэжым прыватнага прагляду ўключаецца адным дотыкам у левым куце галоўнага экрана.
Таксама браўзэр распазнае стандартныя спалучэнні клавіш, калі да iPad падключана знешняя клавіятура. Ёсць і магчымасць сінхранізацыі ўкладак паміж прыладамі. Праўда, для гэтага запатрабуецца ўліковы запіс на серверы Mozilla. Ёсць і цёмная тэма афармлення.
«Мы ведаем, што iPad – гэта не проста вялікая версія iPhone. Вы карыстаецеся іх па-рознаму, яны патрэбныя вам для розных рэчаў. Таму замест таго, каб проста павялічыць версію нашага браўзэра для iOS, мы зрабілі спецыяльны Firefox для iPad», – заявілі ў Mozilla.
Саму праграму можна спампаваць у App Store і нават усталяваць яго ў якасці браўзэра па змаўчанні з дапамогай Microsoft Outlook. Хаця пакуль што цалкам замяніць Safari на Firefox не выйдзе.
Нагадаем, што раней з'явілася інфармацыя, што Firefox 66 не працуе з анлайнавай версіяй PowerPoint. У кампаніі ўжо ведаюць аб праблеме і абяцаюць у хуткім часе вырашыць яе.
Крыніца: 3dnews.ru