Аўтар шматлікіх дакладных уцечак, блогер Эван Блас (Evan Blass), таксама вядомы як @Evleaks, апублікаваў прэс-рэндэры бюджэтнага смартфона Galaxy A2 Core, які рыхтуе да выпуску кампанія Samsung.
Як можна бачыць на выявах, апарат атрымаў дызайн з мінулага. Экран мае шырокія рамкі ў бакавых частках, не кажучы ўжо пра вялізныя апраўленні ўверсе і ўнізе.
На тыльнай панэлі размяшчаецца адзінарная камера са святлодыёдным выбліскам. Унізе можна заўважыць прарэз стандартнага 3,5-міліметровага гнязда для слухавак.
Тэхнічныя характарыстыкі смартфона пакуль не раскрываюцца, але, без усялякіх сумневаў, прылада атрымае электроннае "начынне" пачатковага ўзроўню. Таму аб'ём аператыўнай памяці ці наўрад перавысіць 1 Гбайт, а ёмістасць флэш-модуля – 8-16 Гбайт.
Вядома, што мадэль Galaxy A2 Core будзе даступная як мінімум у двух варыянтах каляровага выканання – сінім і чорным. Ёсць імавернасць, што апарат будзе выкананы на платформе Android Go.
Па ацэнках IDC, Samsung з'яўляецца вядучым вытворцам смартфонаў. У мінулым годзе кампанія адгрузіла 292,3 «разумных» сотавых апаратаў, заняўшы ў выніку 20,8% сусветнага рынку.
Крыніца: 3dnews.ru