Усе праекты ў ЗША і Канадзе, якія знаходзяцца ў вытворчасці Netflix, у тым ліку чацвёрты сезон «Вельмі дзіўных спраў», прыпыненыя ўслед за тым, як адміністрацыя Дональда Трампа (Donald Trump) абвясціла надзвычайную сітуацыю на нацыянальным узроўні з-за пандэміі COVID-19. Больш за 1700 амерыканскіх грамадзян зараз ужо паказалі станоўчы вынік на гэтую хваробу, а 41 чалавек памёр.
Самай буйной затрымкай з'яўляецца згаданы чацвёрты сезон настальгічнага шоу. Іншыя праекты ўключаюць камедыйны серыял "Грэйс і Фрэнкі" і фільм "Выпускны" Раяна Мэрфі (Ryan Murphy). Большасць сетак і струменевых службаў заявілі, што ацэняць сітуацыю цягам двух тыдняў.
Таксама паведамлялася, што каліфарнійскіх супрацоўнікаў Netflix кампанія папрасіла працаваць выдалена. Вялікая колькасць студый і сетак, у тым ліку Disney, ABC і NBC, спынілі вытворчасць шматлікіх шоў і фільмаў пасля аб'явы аб пандэміі. Усе амерыканскія ток-шоу таксама былі прыпынены.
Шмат якія рыхтуюцца да выпуску фільмы – у тым ліку «Ціхае месца II» і рымейк «Мулан» ад Disney – былі адкладзеныя на нявызначаны тэрмін.
Крыніца: 3dnews.ru