Кампанія Nokia абвясціла аб пашырэнні сямейства прылад для хатніх сетак Wi-Fi: прадстаўлены флагманскі mesh-маршрутызатар Beacon 6, які паступіць у продаж у бягучым годзе.
Beacon 6 – гэта першае рашэнне Nokia, сумяшчальнае з тэхналогіямі Wi-Fi 6 і Wi-Fi Certified EasyMesh. Нагадаем, што стандарт Wi-Fi 6, ці 802.11ax, забяспечвае паляпшэнне спектральнай эфектыўнасці працы бесправадной сеткі ва ўмовах нагружанага эфіру. Хуткасць перадачы даных павышаецца на 40% у параўнанні з папярэднімі пакаленнямі сетак Wi-Fi.
У прыладзе задзейнічаны новы mesh-кантролер Nokia, які максімальна падвышае прадукцыйнасць хатніх сетак Wi-Fi з дапамогай функцый кіравання выбарам каналаў, а таксама за кошт падтрымкі перадавых метадаў барацьбы з перашкодамі.
Акрамя таго, згаданы алгарытм PI2, распрацаваны адмыслоўцамі Nokia Bell Labs. Ён зніжае затрымку з сотняў мілісекунд да 20 мілісекунд. Далей з дапамогай тэхналогіі L4S у апорнай сетцы затрымка можа быць скарочана да менш за 5 мілісекунд.
«З'яўленне прылад Nokia Beacon 6 і інавацый, якія зніжаюць сеткавую затрымку, згуляе важную ролю ў падвышэнні якасці паслуг 5G для сямейнікаў карыстачоў. Nokia Beacon 6 дапаможа аператарам скарыстацца высокай хуткасцю і прадукцыйнасцю Wi-Fi 6 для разгрузкі сетак 5G за кошт перадачы мабільнага трафіку ў сетцы Wi-Fi », - адзначае распрацоўшчык.
Інфармацыі аб арыентыровачным кошце mesh-маршрутызатара Beacon 6 на дадзены момант, нажаль, няма.
Крыніца: 3dnews.ru