Кампанія Microsoft раней прадставіла абноўлены браўзэр Edge на аснове Chromium у якасці папярэдняй версіі для Windows 10. Навінка даступная ў варыянтах для распрацоўнікаў і Canary. У бліжэйшыя месяцы распрацоўшчыкі паабяцалі выпусціць больш версій, у тым ліку для Windows 7 і Windows 8.1.
Пры гэтым, хоць папярэднія зборкі даступныя толькі для Windows 10, іх можна ўсталяваць на Windows 7 і нават запусціць. Паведамляецца, што фармальна неаптымізаваныя версіі выдатна функцыянуюць пад "сямёркай".
У сутнасці, Microsoft проста блакуе загрузку браўзэра па афіцыйных спасылках для карыстачоў Windows 7 і 8.1. Аднак калі спампаваць паўнавартасны ўсталёўнік, яго можна будзе выкарыстоўваць на старых версіях АС.
Існуе некалькі спосабаў абыйсці абмежаванні Microsoft, і адзін з іх - проста змяніць user agent у браўзэры, праз які будзе ісці запампоўванне. Іншы варыянт атрымаць - дадатак з іншай крыніцы. Напрыклад, адсюль.
У кампаніі пакуль не ўдакладнілі, калі выйдзе Edge для іншых платформ, накшталт macOS і Linux. Аднак, хутчэй за ўсё, гэта адбудзецца даволі хутка, улічваючы, што вынахад рэлізнай версіі для Windows чакаецца ў бліжэйшыя месяцы. Пры гэтым у кампаніі пацвердзілі, што версія для macOS ужо ў дарозе. Аб Linux-версіі пакуль афіцыйна не кажуць, але улічваючы, што рухавічок Chromium таксама падтрымлівае гэтую платформу, няма ніякіх сумневаў у тым, што выйдзе і яна. Пытанне толькі ў тэрмінах.
Пры гэтым адзначым, што зараз Microsoft Edge можна спампаваць і ўсталяваць, але даступныя толькі 64-бітныя версіі, так што разраднасць АС павінна быць адпаведнай.
Крыніца: 3dnews.ru