Google пашырае сваю дзейнасць на Тайвані, які стаў пасля набыцця каманды HTC Pixel яе найбуйнейшай R&D-базай у Азіі. Кампанія абвясціла аб стварэнні новага, буйнейшага кампуса ў Новым Тайбэі, які дазволіць падвоіць колькасць яе каманды.
Ён будзе служыць новай тэхнічнай штаб-кватэрай Google у краіне і домам для яе апаратных праектаў, калі кампанія пачне пераводзіць супрацоўнікаў на новае месца да канца 2020 года.
Google плануе наняць на Тайвані дадаткова сотні супрацоўнікаў. Кампанія аб'явіла, што надае асаблівую ўвагу заахвочванню жанчын прэтэндаваць на тэхналагічныя ролі.
Рэсурс Engadget Chinese адзначыў, што старэйшы віцэ-прэзідэнт Google па апаратным забеспячэнні Рык Остэрла (Rick Osterloh) аднойчы сказаў, што кампанія хацела б сабраць усіх сваіх супрацоўнікаў, якія працуюць над абсталяваннем, у адным месцы.
Пакуль не зразумела, ці азначае гэта, што распрацоўшчыкі HTC Pixel пакінуць свой стары офіс і пераедуць у новы кампус.
Крыніца: 3dnews.ru