Кампанія Google дазволіць карыстачам аплачваць пакупкі ўнутры крамы Play Store наяўнымі грашовымі сродкамі. У цяперашні час новая функцыя тэстуецца ў Мексіцы і Японіі, а пазней павінна з'явіцца ў іншых рэгіёнах з рынкамі, якія развіваюцца. Згаданы варыянт аплаты называецца "адкладзеная транзакцыя" і ўяўляе сабой новы клас адтэрмінаваных формаў аплаты.
Функцыя, якая пакуль даступная карыстальнікам з Мексікі і Японіі, дазваляе набываць платны кантэнт, аплачваючы яго ў адной з мясцовых крам-партнёраў. Прадстаўнікі кампаніі кажуць аб тым, што ў будучыні такая магчымасць стане даступная карыстальнікам іншых краін, якія развіваюцца.
Ужыўшы функцыю «адкладзеная транзакцыя», карыстач атрымлівае адмысловы код, які трэба прад'явіць касіру ў краме. Пасля гэтага прыкладанне аплачваецца за наяўны разлік, а пакупнік атрымлівае адпаведнае апавяшчэнне на электронную пошту. Прадстаўнікі Google гавораць аб тым, што звычайна плацяжы праходзяць на працягу 10 хвілін, але не выключана, што гэты працэс можа зацягвацца да 48 гадзін. Таксама адзначаецца, што транзакцыі, аплачаныя па новай схеме, не могуць быць адмененыя, таму па дарозе ў краму карыстачу варта абдумаць, ці трэба яму тое ці іншае прыкладанне.
Прычына, па якой кампанія Google вырашыла запусціць новы спосаб аплаты кантэнту, заключаецца ў тым, што рынкі, якія развіваюцца ўяўляюць вобласць стабільнага росту для распрацоўшчыкаў. У кампаніі разлічваюць, што такі падыход дазволіць пашырыць карыстацкую аўдыторыю, якая здзяйсняе пакупкі прыкладанняў у Play Store. Аперацыі з наяўнымі працягваюць заставацца ў прыярытэце ў рэгіёнах, дзе малая частка насельніцтва мае доступ да банкаўскіх карт.
Крыніца: 3dnews.ru