Некалькі дзён таму распрацоўшчыкі Telegram свежае абнаўленне, якое дадало шэраг магчымасцяў па частцы канфідэнцыйнасці і выгоды выкарыстання месэнджэра. Адной з іх стала функцыя ўтойвання мабільнага нумара для пэўных груп і чатаў. Цяпер карыстач сам выбірае, у якіх групах паказваць нумар.
Гэта дазволіць хаваць дадзеныя ў персанальных чатах і, наадварот, паказваць - у працоўных. Таксама ў версіі для iOS былі перапрацаваны налады канфідэнцыяльнасці
Яшчэ адным новаўвядзеннем сталі палепшаныя боты, якія дазваляюць зараз уваходзіць на сайты з дапамогай уліковага запісу Telegram. Пры пераходзе па спасылцы сістэма зараз прапануе і такі варыянт бясшвоўнай аўтарызацыі, хоць ён і не з'яўляецца абавязковым.
Нарэшце, з'явілася магчымасць дадаваць каментары пад публікацыямі, што мусіць забяспечыць зваротную сувязь для ўладальнікаў каналаў. Пры націску на кнопку каментара адкрыецца сайт, на якім аўтарызацыя будзе ўжо ўключана. Тамака і можна напісаць каментар, пасля чаго бот адправіць яго ўладальніку канала. Як адзначаецца, зараз любы карыстач можа стварыць падобных ботаў, каб падлучыць існыя сэрвісы да Telegram. Таксама заяўлена, што інтэграцыя разнастайных сацыяльных, гульнявых паслуг, сэрвісаў знаёмстваў ці электроннай камерцыі стала нашмат прасцей.
З'явілася абнаўленне і для групавых чатаў. Цяпер у іх могуць удзельнічаць да 200 тысяч чалавек. А агульнадаступныя каналы зараз можна праглядаць нават без уваходу ў праграму, проста праз Інтэрнэт. Для гэтага прымяняецца функцыя «Папярэдні прагляд канала», якая не патрабуе аўтарызацыі.
Распрацоўнікі папрацавалі і над бяспекай. Цяпер прыкладанні Telegram будуць адлюстроўваць спецыяльны ярлык для падазроных акаўнтаў, папярэджваючы аб магчымым махлярстве. Акрамя таго, у Telegram 5.7 для iOS з'явілася магчымасць прагляду мініяцюр для файлаў фармату PDF. Сам жа кліент дазваляе перасылаць файлы памерам да 1,5 Гбайт.
Што да Android, то там была перапрацаваная большасць дыялогавых вокнаў, а дызайн сістэмы пошуку паведамленняў і даданні людзей у групы палепшылі. Акрамя таго, прыкладанне атрымала новы перамыкач тэм у наладах чата.
Крыніца: 3dnews.ru