Падобна, кампанія Microsoft ужо не можа стрымаць вал уцечак адносна новага браўзэра Edge. Выданне The Verge апублікавала новыя скрыншоты, а таксама з'явілася 15-хвіліннае відэа, якое дэманструе браўзэр ва ўсёй красе. Але пра ўсё па парадку.
На першы погляд, браўзэр выглядае адносна гатовым і здаецца лепш у шматлікіх абласцях у параўнанні з існым браўзэрам Edge. Зразумела, некаторыя элементы адсутнічаюць, таксама не ўсе функцыі бягучай версіі браўзэра патрапяць у рэліз новай. Аднак чакаецца, што інсайдэрам навінка стане даступная праз некалькі тыдняў, пасля чаго, у выпадку паспяховага тэсціравання, яе выпусцяць для ўсіх.
Таксама з'явіліся новыя дадзеныя аб пашырэннях. Паведамляецца, што ў браўзэр будзе ўбудаваны перамыкач, які дазволіць выкарыстоўваць інтэрнэт-краму пашырэнняў Google Chrome. Падобнае ёсць у Opera.
Бягучая зборка ўжо прапануе пры першым запуску імпартаваць файлы, паролі і гісторыю наведванняў з Chrome ці Edge. Таксама браўзэр прапануе абраць стыль для новай укладкі. Пры гэтым у навінцы яшчэ няма цёмнай тэмы, сінхранізацыя праводзіцца толькі для абранага, а ўкладкі нельга зафіксаваць. Мяркуецца, што распрацоўшчыкі выправяць усе гэтыя недахопы да моманту рэлізу.
Нагадаем, што раней, па дадзеных СМІ, у браўзэр Gogle Chrome перанеслі дзве запатрабаваныя функцыі Microsoft Edge. Гаворка ідзе аб рэжыме фокусу (Focus Mode), а таксама мініяцюрах для ўкладак (Tab Hover). Першая магчымасць дазваляе замацаваць вэб-старонку на панэлі задач. А другая, як зразумела з назову, паказвае мініяцюру старонкі пры навядзенні курсора на ўкладку.
Крыніца: 3dnews.ru