Яшчэ ў сярэдзіне чэрвеня кампанія AMD анансавала новую сістэмную логіку для найболей даступных матчыных поплаткаў з Socket AM4 – AMD A520. Мацярынскія платы на яе аснове пакуль не выйшлі, але, здаецца, здарыцца гэта ўжо вельмі хутка. Рэсурс VideoCardz апублікаваў выявы будучых поплаткаў на AMD A520 кампаніі ASRock.
Паведамляецца, што ASRock выпусціць сама меней пяць мадэляў даступных матчыных поплаткаў на новым чыпсэце AMD. Пакуль што былі прадстаўлены толькі выявы мадэляў A520M Pro4 і A520M-ITX/ac. Першая выканана ў формаў-фактары Micro-ATX, а другая – Mini-ITX. Абедзве маюць вельмі нядрэннае абсталяванне для матчыных поплаткаў пачатковага коштавага сегмента.
Mini-ITX плата мае па два слота для модуляў аператыўнай памяці DDR4 DIMM, а на Micro-ATX мацярынцы – чатыры такіх слота. Буйнейшая навінка таксама атрымала пару слотаў пашырэння PCI Express 3.0 x16, а больш кампактная – толькі адзін. Для падлучэння прылад захоўвання дадзеных апроч чатырох партоў SATA III у кожнай з паказаных поплаткаў маецца слот M.2 з радыятарам. Буйнейшая A520M Pro4 мае яшчэ адзін слот M.2, але ўжо без радыятара.
Матчын поплатак A520M-ITX/ac абсталявана модулем Wi-Fi, тады як у мадэлі A520M Pro4 прадугледжаны толькі слот M.2 для модуля Wi-Fi, набываць які прыйдзецца асобна. Маюцца тут і правадныя гігабітныя сеткавыя адаптары.
Нажаль, ні дата вынахаду, ні кошт матчыных поплаткаў на новым чыпсэце AMD A520 пакуль што невядомыя.
Крыніца:
Крыніца: 3dnews.ru