Адкрыта рэгістрацыя на міжнародную канферэнцыю распрацоўшчыкаў і карыстальнікаў свабоднага ПЗ «, якая пройдзе 27-30 жніўня. Сёлета канферэнцыя пройдзе ў рэжыме анлайн і зойме чатыры няпоўныя дні. Удзел у анлайн-версіі LVEE 2020 бясплатны.
Прымаюцца прапановы дакладаў і бліц-дакладаў. Каб падаць заяўку на ўдзел, трэба зарэгістравацца на сайце канферэнцыі: lvee.org. Пасля рэгістрацыі ўдзельнік атрымлівае доступ да анлайн-сістэмы рэцэнзавання тэзісаў, дзе можна падаць заяўку на даклад да 24 жніўня 2020 года. Усе тэзісы дакладаў праходзяць рэцэнзаванне. Бліц-даклады не патрабуюць папярэдняй заяўкі і рэгіструюцца ў дзень сесіі бліц-дакладаў.
З 2005 года LVEE штогод прыцягвае ўдзельнікаў з Беларусі, Расіі, Украіны і краін Еўрапейскага Саюза. Канферэнцыя прапануе энтузіястам і спецыялістам у галіне свабоднага праграмнага забеспячэння пляцоўку для сустрэч і абмену ідэямі ў сяброўскай, нефармальнай абстаноўцы на буйнейшым СПА-мерапрыемстве ў Рэспубліцы Беларусь. Афіцыйнымі мовамі канферэнцыі з'яўляюцца руская, беларуская і англійская.
Фармат канферэнцыі ўключае галоўным чынам даклады і кароткія выступленні; магчымы таксама круглыя сталы, workshop'ы і код-спрынты. У тэматыку дакладаў уваходзіць распрацоўка і суправаджэнне свабоднага ПЗ, укараненне і адміністраванне рашэнняў на аснове свабодных тэхналогій, асаблівасці выкарыстання свабодных ліцэнзій. Канферэнцыя ахоплівае шырокае кола платформаў - ад працоўных станцый і сервераў да ўбудаваных сістэм і мабільных прылад. Перад удзелам у канферэнцыі рэкамендуецца азнаёміцца з Кодэксам паводзін; усе ўдзельнікі павінны выконваць гэты кодэкс, каб канферэнцыя праходзіла ў духу павагі адно да аднаго.
Крыніца: opennet.ru