Кампанія Paradox Interactive і студыя Romero Games абвясцілі аб сумеснай распрацоўцы праекту ў жанры стратэгіі.
Paradox Interactive з'яўляецца выдаўцом Cities: Skylines, Crusader Kings II, Stellaris і шматлікіх іншых папулярных стратэгій. Romero Games ж узначальваюць Брэнда Рамэра (Brenda Romero) і Джон Рамэра (John Romero), аўтары Doom, Quake, Jagged Alliance і Wizardry 8. Яны прыменяць свой шматгадовы вопыт у стварэнні новага праекта.
«Мы шчаслівыя працаваць з сапраўднымі легендамі індустрыі Брэндай і Джонам Рамэра, якімі мы захапляліся і на чыіх гульнях выраслі, – сказала выканаўчы дырэктар кампаніі Paradox Interactive Эба Люнгеруд (Ebba Ljungerud). Кампанія Paradox Interactive зарабіла сабе рэпутацыю стваральнікаў высакакласных стратэгій, і мы прыкладзем усе сілы для таго, каб стварыць разам са студыяй Romero Games нешта сапраўды выбітнае».
“Мы доўгі час марылі рэалізаваць гэты праект. І мы асабліва рады таму, што менавіта каманда Paradox Interactive падтрымала нас ва ўвасабленні гэтай мары, - дадала заснавальніца студыі Romero Games Брэнда Рамэра. — З нецярпеннем чакаем, калі зможам расказаць падрабязнасці, так што сочыце за развіццём падзей!».
Крыніца: 3dnews.ru